Philippine EKLAVARVA Portal (pinoyPEP)

Iglesia Ni Cristo Leader Eranio Manalo Died

2009-09-02T02:46:00.000-07:00

Eraño Manalo, the leader of the Iglesia Ni Kristo has died yesterday according to their own television network Net 25. Also known as Ka Erdy, he is the current Executive Minister of the Iglesia ni Cristo religious organization. He took over the administration of the church after the death of his father, Felix Manalo, in 1963. He was instrumental in the propagation and expansion of the church internationally. He previously held office as the General Treasurer of the church, and as a District Minister of Manila. The religious leader died of cardiopulmonary arrest on his home at at 3:53 p.m., August 31 according to his doctor Rey Melchor Santos. INC spokesman Bienvenido Santiago said the church leader will be interred at the Templo Sentral of the INC in Quezon City and will be open for public viewing today. Our deepest condolences.

STAR CINEMA VS. SM CINEMAS

2009-08-27T02:55:00.000-07:00

Kinumpirma ng Star Cinema Productions sa ilalim ng ABS-CBN ang malaking conflict sa pagitan nila at ng SM Cinemas. Matatandaan na ang huling offering ng Star Cinema na And I love You So nina Bea Alonzo at Sam Milby ay opisyal na banned sa lahat ng sinehan ng SM.

Bunsod umano ito ng hindi pagkaka-unawaan sa kontrata ng dalawang malaking kompanya. Ayon sa source ng pinoyPEP, humihirit umano ng increase ang SM sa Star Cinema dahil sa mataas na film gross at sa ganda ng mga sinehang nirenovate ng SM.

Mariin umano itong tinutulan ng ABS. Matumal raw kasi ang industriya ng mga pelikula sa ngayon.

At dahil nga sa hindi pagpayag ng Star Cinema sa hiling ng SM, nagpadala ito ng mandatory order para i-ban ang lahat ng pelikula ng Star Cinema sa kanilang mga sinehan.

Nagdesisyon tuloy ang ABS-CBN na sa ibang malls na lang ipalabas ang And I love You So. Karamihan sa mga sinehan kung saan nagshowing ang pelikula ay pagmamay-ari ng Ayala Malls.

Sa maingay na conflict between Star Cinema and SM, hindi itinanggi ni Governor Vilma Santos ang pangamba na baka makaapekto ang isyu sa ilalabas niyang pelikula na In My Life kasama ang anak na si Luis Manzano at si John Lloyd Cruz.

Ayon kay Ate V, malaki ang kontribusyon ng SM Cinemas sa traffic ng pelikula. Karamihan kasi ng mga nanonood ay pinipili ang mga sinehan ng SM.

Umaasa ang Star for All Season na maayos ang gusot na ito alang-alang sa kanyang comeback movie na lalabas ngayong Setyembre.

Samantala, tumanggi namang magbigay ng pahayag ang SM Management sa usaping ito.

Bukas naman sa pakikipag-ayos ang pamunuan ng ABS-CBN at Star Cinema Productions.

WILLIE REVILLAME ENVADED DAVAO

2009-08-25T03:47:00.000-07:00

Ginulat ni Willie Revillame ang Sambayanang Pilipino sa kanyang kauna-unahang paglitaw sa publiko matapos ang kontrobersiyang kinasangkutan niya sa sariling noontime show na Wowowee.

Sa tantsa ng pulisya, umabot sa 170, 000 na katao ang dumalo sa Wowowilie Show na pumuno sa Agro Football Field sa Davao City.

Ang palabas ay inisponsor ni Sen. Manny Villar na napapabalitang dadalhing kandidato ng sikat na host. Kasabay din nito ang maugong na pagtakbo umano ni Revillame para sa Senado sa ilalim ng ticket ni Villar.

Hindi naman inalintana ng mga Davaoeño ang malakas na buhos ng ulan sa kalagitnaan ng palabas. Alas-otso pa lang ng umaga ay nagsimula nang dumagsa ang mga nagnanais na makita si Willie. Halos alas-siete na ng gabi nang simulan ang show. Sa kasamaang palad, bandang 8:30pm ay nasira ang mga sound system at buong set ng production kung kaya't napilitang itigil ang palabas bandang 9:30 ng gabi.

Sa panayam ng pinoyPEP kay Sen. Manny Villar, humingi siya ng paumanhin sa maagang pagtatapos ng show dahil sa masamang panahon.

"Nagpapasalamat kami sa mainit na pagtanggap ng Davaoenos sa amin. Humihingi rin kami ng paumanhin sa pagkansela ng show ni Willie dahil nakakaawa naman po ang mga nanonood na basang-basa na ng ulan."

Samantala, hindi pa rin maikakaila ang kalungkutan sa mukha ni Willie. Sa katunayan, kitang-kita ng pinoyPEP ang pagtulo ng luha ni Willie sa kalagitnaan ng palabas. Hindi lang gaanong napansin ng publiko dahil naligo na nga sa ulan ang host.

Sa text na ipinadala ni Willie sa pinoyPEP,

"Nakahiga ako ngayon sa hotel. Naluluha pa rin ako. Lalo akong tumitibay sa buhay 'pag nararamdaman ko ang pagmamahal ng mga tao. I'm so blessed. Sa sobrang mahal ako ng Panginoon, gusto kong ituloy ang pagpunta sa buong bansa.Para yung hindi nakakapunta sa Wowowee, ako ang lalapit sa kanila. Lalo akong naiinspire sa buhay dahil sa mga tao."

Sa tono ni Willie, mukhang desidido nga siyang ituloy ang pagsabak sa pulitika. Gayunpaman, hindi maikakaila ang karisma ni Willie sa tao na malamang ay maging pangunahing asset niya para maipanalo ang posisyong nilalayon sa 2010.

BEYONCE DIED?

2009-08-24T02:17:00.000-07:00

Pumutok ang balitang pumanaw na raw ang sikat na singer na si Beyonce Knowles mula kaninang umaga sa iba't-ibang sites ng internet at maging sa text messages.

Ayon sa mensaheng natanggap ng pinoyPEP, di umano'y pumanaw si Beyonce kaninang alas-otso kwarenta'y singko ng umaga (8:45am). Natagpuan umanong nakahandusay ang katawan ng singer sa kanyang tinutuluyang hotel sa California. Ayon din sa naturang balita, hindi pa umano alam ang naging sanhi ng pagpanaw nito. Sa kasalukuyan raw ay magbibigay na ng pahayag ang panig ni Beyonce tungkol sa issue.

Sa aming pagsisiyasat, isang American Citizen ang unang nagpaskil ng balita sa My Space Website.

Ipinasa-pasa ang maugong at nakakagulat na spoof sa iba pang espasyo ng internet hanggang makarating sa Pilipinas at iba pang bansa.

Nakapagtataka lang sapagkat sa internet lamang pumutok ang balita. Walang anunsyo galing sa malalaking media group tulad ng CNN at iba pang kilalang una lagi sa ganito kalalaking spoof.

Maliwanag na biktima rin si Beyonce ng malisyosong tsismis na isa sa mga negatibong bunga ng mabilis na agos ng teknolohiya. Sa ilang sandali kasi, mabilis na naipapakalat ang isang mapanirang pahayag sa pamamagitan ng mga free sites dito sa internet.

Hindi maikakailang marami na ring bigating stars, mapa-international man, o local artist ang nabiktima na rin ng naturang modus.

Samantala, patuloy na kinakalap ng pinoyPEP ang mga impormasyong may kaugnayan sa isyung ito.

EXCLUSIVE! BAKIT NAWALA SI WILLIE SA WOWOWEE?

2009-08-15T02:41:00.000-07:00

Good deed does pay!

Naniniwala na ngayon ang pinoyPEP sa kasabihang ito sapagkat kami mismo ay napatotohanan ng naturang pahayag.

Kamakailan kasi, inilabas namin ang artikulong nagtatanggol sa noontime show host na si Willie Revillame sa issue ng pagpapatigil niya ng funeral cortege simulcast airings ni Pangulong Cory Aquino sa ABS-CBN. Click here for related story.

Ikinagulat ng pinoyPEP nang matanggap namin ang imbitasyon ng isang ABS-CBN Executive para ikumpisal ang tunay umanong dahilan ng pagkawala sa ere ni Willie Revillame, partikular sa show niyang Wowowee. Halos isang linggo na kasing sumasailalim sa indefinite leave ang host matapos ang ugong na nilikha ng kontrobersiya.

Nagulat kami sapagkat hindi biro ang taong gustong kumausap sa amin. Isa itong mataas na opisyal ng naturang istasyon na ayaw ipabanggit ang pangalan. Noong una'y hindi kami naniniwala sa mensaheng aming natanggap sa pamamagitan ng e-mail. Hanggang sa personal kaming tinawagan ng Executive sa telepono at ipinatawag sa kanyang opisina.

Pamilyar kami sa ABS Building. At nawindang kami sapagkat totoo nga palang siya mismo ang aming kakausapin.

Kahapon, Biyernes, August 14, bandang alas-kuatro ng hapon, sinadya namin ang opisina ng ehekutibo sa Mother Ignacia.

Doon ay walang habas niyang inihayag sa amin ang mga rebelasyong hindi pa kailanman naririnig ng publiko at maski kami ay nagulat sa kanyang mga naging pahayag.

Una naming tinanong kung bakit sa dinami-dami ng mapagkakatiwalaang press group, bakit sa pinoyPEP niya piniling magbigay ng statement?

"Honestly, nabasa ko yung article niyo about dun sa insidente, a week ago siguro. Nakita ko ang puntong tumutugma sa punto ko. Hindi alam ng Management na magpapa-interview ako. Kaya lang, i can't handle this. Kawawa si Willie. Kahit papano naman kasi, naging kaibigan ko yan. I hope na hindi lalabas ang pangalan ko sa isyung 'to. And i trust you."

Ayon sa kanya, si Ms. Linggit Tan ang pinaka-naoffend kay Willie matapos nitong banggitin ang pangalan niya sa ere.

"Si Linggit talaga ang na-hurt that time. Para daw kasing pinalabas ni Willie na siya ang may kasalanan. Bago pa kasi yun, tinawagan ni Willie si Linggit. Pero, ang News Department ang nag-utos sa Technical. Nainis lang siya dahil parang siya ang na-blame instead of the News Dept."

Kinahapunan daw, ipinatawag ni Charo Santos-Concio (ABS-CBN President) si Willie sa kanyang opisina at inutusang mag-sorry kinabukasan sa opening ng Wowowee.

"Doon na nagalit si Willie. Maingay siya nun. Ginagawa daw siyang robot. Talagang matigas ang ulo niya pero dahil wala naman talaga siyang ginawang mali. Pero, dahil utos nga ni Ms. Charo, sinunod ni Willie yung command kinabukasan. Pero, i know na pinilit niya lang."

Matapos daw iyon, nakatanggap ng order ang ABS galing sa KBP at MTRCB.

"Yung sa KBP, parang paglilinaw lang. Pero, yung order talaga ay galing kay Chairman Laguardia. Actually, ang nasa papel ay two weeks suspension. Tinawagan ni Mam Charo si Chairman at sinabing susunod kami kung tahimik na isu-suspend si Willie. Meaning, hindi ipapaalam na suspended ito. Kaya lumabas yung issue ng indefinite leave. Idea yun ng Management at hindi ni Willie."

Muling ipinatawag ni Charo Santos-Concio si Willie at sinabi ang tungkol sa suspension. Kaharap daw noon sina Johnny Manahan (Mr. M), Mr. Gabby Lopez, Ms. Linggit Tan, at ang aming kausap na Executive.

"Mainit na nun si Willie. Napikon siya nung sabihin ni Mam Charo na hindi sasabihing sinuspinde siya. Ang kay Willie kasi, lalong pinalala ng ABS ang sitwasyon. Iisipin daw kasi ng tao na tinataguan niya ang isyu kung palalabasing nag-leave siya. Mas maganda pa raw na sinabing sinuspinde ito."

"OO nga naman. Baka mas makakuha pa si Willie ng simpatiya ng tao kung sasabihin yung totoo. Pero, hindi ko sinabi yun sa miting. Sa loob-loob ko lang. Mahirap kasing sabihan si Mam Charo. Baka isiping pinangungunahan ko siya."

Nang mga sandaling iyon, galit na galit daw ang host. Kahit kaharap pa ang mga boss, direkta umanong isinumbat ni Willie ang kapabayaan ng Network.

"He's shouting. At emosyonal siya. Kahit sino naman siguro. Kahit daw tanggalin na siya sa Wowowee, ok lang. Sobra na raw ang effort niya. Tsaka siya umalis. Sinundan siya ni Johnny at hindi ko na nakausap si Willie simula nun."

Nang tanungin namin kung kailang babalik si Willie, o kung babalik ba ito pagkatapos ng sinasabing two week suspension, maikli ang naging pahayag niya;

"Hindi ko alam. Pero, sa sama ng loob ni Willie na nakita ko, i doubt."

Sa pagtatapos ng aming panayam sa kanya, palaisipan sa amin kung dapat ba naming isulat yun o hindi. Napagtanto naming kailangang mabatid ito ng publiko. Handa kaming panindigan ang aming mga isinusulat.

Ipinaaabot din namin ang pasasalamat sa ABS-CBN Executive na nagbigay sa amin ng eksklusibong impormasyon na unang maririnig sa pinoyPEP. Bilib kami sa kanyang paninindigan at propesyonalismo.

Naniniwala kaming bahagi ng kanyang tungkulin ang ilabas ang ganitong mga isyu na karapatang mabatid ng publiko na sumusuporta sa istasyong kanyang pinaglilingkuran.

Sa huli, nakalulungkot na tila hindi na nga babalik si Willie Revillame sa programa ng bayan. Pero, patuloy na umaasa ang bawat Pilipino na hindi magpapa-apekto ang host sa agos ng kontrobersiya. Alam naming malilinawan rin si Willie at hindi magtatagal, babalikan niya rin ang kanyang tahan, ang tahanan ng bawat Pilipino, ang WOWOWEE.

ANABELLE RAMA IS SUCH A LOSER!

2009-08-13T03:38:00.000-07:00

Kawawang Anabelle Rama. Sa dami kasi ng mga kasong nasuhulan ng butangerang Bisaya na ito, buong kompyansa siyang maipapanalo ang kaso laban kay GMA 7 Executive Wilma Galvante. Siguro, nagwawala na ang butangerang bruha sa kanyang mansyon at pinagbaba-bato ang mga diamonds niya nang matanggap ang balita kahapon.

Ibinasura kasi ng Quezon City Prosecutor's Office ang kasong Grave Oral Defamation o Grave Slander na isinampa ni Anabelle kay Wilma Galvante. Ayon sa Pamunuan ng nasabing opisina, ibinasura ang kaso dahil sa "lack of probable cause".

Isinampa ni Bisaya ang kaso noong April 14, 2009 matapos umanong siraan siya ni Galvante sa kanyang mga alaga, partikular sa young actor na si JC De Vera. Ikinulong umano ng GMA Executive ang aktor sa kanyang opisina noong February 16, 2009 at walang habas umano siyang siniraan sa mina-manage na aktor.

Ayon kay Asst. City Prosecutor Ronald C. Torralba, hindi kapani-paniwala ang statements ni Anabelle. Wala rin umanong basehan ang kasong isinampa ni Bisaya sa Korte. Ayon pa sa Hukom, tila hindi naiintindihan ni Rama ang ibig sabihin ng kasong kanyang isinampa.

Malayo umano sa konteksto ng "Grave Oral Defamation" sa mga naging pahayag ni Galvante na ang mismong panig nila ang naglabas. Ilan sa mga mapanirang pahayag umano ni Galvante na ginamit ng kampo ni Rama sa naturang kaso ay ang mga sumusunod;

"Tingnan mo. Tingnan mo kung ano ang ginagawa ng manager mo."

"Happy ka ba sa manager mo? Ilang taon pa ba ang kontrata mo sa kanya?"

"May kopya ka ba ng contract mo kay Anabelle? Pwede ko bang makita?"

"If there is anything i can help you, just tell me."

Pinunterya ni Bisaya ang mga pahayag na iyan ni Wilma Galvante para palabasing sinisiraan siya nito kay JC De Vera. Pero, ang totoo, si Bisaya talaga ang may kasalanan matapos na 'di pasiputin si JC sa isang show na tinanguan mismo ni Anabelle.

Hindi ko malaman kung windang na ba ang utak ni Rama o kung natural na lang sa kanya ang maging luka-luka. Para kasing nangongolekta ng mga kaso ang Manager. Hindi pa nga tapos ang kaso ng anak niya kay YES Magazine Editor Joan Maglipon, at sa asawa ng kanyang PA na nasawi sa aksidenteng kinasangkutan ni Richard.

Sanay na sanay na si Rama sa maruming kalakaran sa pakikibaka sa mga kasong bunga ng pagiging luka-luka niya. Pero, hindi ibig sabihin noon ay malulusutan na ni Anabelle ang lahat ng pagsubok.

Maging aral sana sa Bisayang butangera na hindi lahat ay natatapatan ng pera niya. Hindi rin lahat ng gusto niyang ipakulong ay maipapakulong niya.

May batas tayo. At matalim ang ngipin nito. Matanggap sana ni Anabelle Rama na kung pagkatao ang pag-uusapan, siya dapat ang unang kagatin ng matatalim na ngipin ng batas dahil sa kanyang asal sa kapwa tao lalo na sa mga kasamahan sa Industriyang ito.

JIGGY CRUZ REACTS TO WILLIE'S APOLOGY..

2009-08-12T02:27:00.000-07:00

"I love Jiggy!" Yan ang statement na madalas kong marinig noong kino-cover ko pa ang Funeral ng Dating Pangulong Corazon Aquino. Sa lahat kasi ng kamag-anak ni Tita Cory, si Jiggy ang pinaka-cute! Haha.. At napaka-approachable na tao.. Siya yung pwede mong interviewhin anytime..

Si Jiggy Cruz ang panganay na apo ni Tita Cory.

Hindi tumigil ang pinoyPEP sa pangungulit sa kanya upang magbigay ng komento sa pinaka-mainit na isyu ng bayan, ang pagpapatigil ni Willie revillame sa simulcast airings ng funeral ni Tita Cory sa programang Wowowee ng ABS-CBN.

Sa pamamagitan ng kanyang BLOG na The Tangled Web, tinadtad namin ng comment si Jiggy para humingi ng statement galing mismo sa kanya. Mahalaga kasing marinig ang side ng bata considering na siya ay super close kay Tita Cory.

Bagamat nagbigay na ng statement si Deedee Sytangco at Sen. Noynoy Aquino tungkol sa isyu, pursigido pa rin kaming hingin ang statement niya.

Sa mensaheng nakuha ng pinoyPEP, napakatipid ng binitiwang pahayag ni Jiggy.

"As far as our family's concerned, we understand the explanation of Willie Revillame."

Sa maikli subalit maliwanag niyang pahayag, malinaw na nauunawaan na ng pamilya Aquino, at maging ni Jiggy ang sentimyento ni Willie.

Ipinaaabot naman ng pinoyPEP ang pasasalamat kay Jiggy sa maginoong pagtugon sa aming Pamunuan.

NATIONAL ARTIST ISSUE..

2009-08-11T02:59:00.000-07:00

Nakakawindang ang isyung ito. For the past weeks, patuloy pa ring binabanatan sa mga radyo at tabloids ang pagkakahirang kay Direk Carlo J. Caparas bilang National Artist ng ating bansa sa larangan ng Visual Arts and Film.

Punto por puntong hihimayin ng pinoyPEP ngayon ang bawat hibla ng mainit na isyung ito.

Una, Sino nga ba si Carlo J. Caparas? Ano ba ang kanyang kontribusyon sa Sining Pilipino?

Si Caparas ay isang direktor at Komiks Writer. Marami siyang pinasikat na mga akdang kinagat ng masang Pilipino. Ilan sa mga natatanging komiks na isinulat ni Caparas ay ang Totoy Bato, Panday, Pieta, Bakekang, Kroko, at marami pang iba.

Karamihan sa mga komiks ni Direk Carlo na sumikat noong araw ay muling binubuhay ngayon sa telebisyon.

Ang isyung tinututulan ng ilan, bakit pinagsama ng Malacañang ang dalawang magkaibang aspeto ng parangal? Maliwanag na iba ang VISUAL ARTS sa FILM. Kung kategorya ng pelikula, walang puwang si Caparas. Pero, hirit ng panig niya, malaki daw ang kontribusyon ng Direktor sa VISUAL ARTS sa pamamagitan ng mga akda nitong pang-Komiks.

Bago ang lahat, ano nga ba ang nakapaloob sa kategoryang iyon?

"Visual Arts – painting, sculpture, printmaking, photography, installation art, mixed media works, illustration, graphic arts, performance art and/or imaging;"

Mukhang sa unang tingin, swak nga si Caparas dahil sa mga komiks niya. Pero teka, may hindi kayo alam.

Never naging illustrator si Caparas. WRITER siya ng komiks. Pero, hindi siya ang nag-drawing ng mga komiks na iyon.

Ang Panday at Pieta ay kay Steve Gan. Ang Bakekang ay kay Mar Santana. Ang Kroko ay kay Hal Santiago. Ang Totoy Bato ay kay Mar Infante.

Kita niyo na? Nasaan ngayon ang koneksyon ni Caparas sa Visual Arts? Wala!

Pero teka. Gaano nga ba kasagrado ang Pambansang Gawad sa Alagad ng Sining o ang National Artist Award? Ano ba ang mga benepisyong makukuha ng sinumang gagawaran ng parangal?

Ang National Artist award ay ang pinakamataas na pagkilala sa isang Alagad ng Sining sa kanyang propesyon. Kinikilala ng parangal na ito ang napakalaking kontribusyon ng isang personalidad na tumatak at naging bahagi na ng Kulturang Pilipino.

Dumadaan sa NCCA at CCP Board of Trustees ang selection process sa mga nominado sa bawat kategorya ng parangal. Masusing hinihimay ng dalawang organisasyon ang mga naiambag ng bawat nominadong personalidad.

Ngunit, sa bandang huli, nasa Palasyo pa rin ng Malacañang ang desisyon kung papanigan o papalitan ang listahan ng NCCA.

Sa pagkakataong ito, apat ang nilaglag ng Malacañang sa listahan ng NCCA at CCP at apat rin ang idinagdag na panibagong kategorya. Maliwanag na ang mga isiningit na National Artist Awardee ay hindi dumaan sa masusing proseso ng NCCA at CCP. Isinaksak lang ni Pangulong Arroyo ang mga pangalan nila sa listahang iyon.

Ang bawat awrdee ay antimanong makakatanggap ng P 100, 000 sa pagkakataong igawad ang parangal. Mayroon ding makukuhang lifetime pension ang bawat awardee. Idagdag pa rito ang kontrata para sa isang pabulosong State Funeral kung madedo na sila. At, ang recognition sa kanilang presence sa lahat ng events.

Isa pa, tataas ang value ng kanilang mga likha, pati na rin siguro ng kanilang sarili kung hinirang silang National Artist. Halimbawa, may isang pintor. Maganda ang kanyang mga likha, pero sa bangketa lang nabibili ang kanyang mga paintings at pwede pang tumawad sa presyo. Pero, ang mga painting ng mga nahirang na National Artist, kahit kung minsan ay hindi maunawaan kung ano ba yon, aba! napakamamahal.

Ayun naman pala. May money involve. Kaya naman pala nagkukumahog ang kulokoy na si Caparas. Proud na proud pang ibinabandera ang medalya ng pagiging National Artist niya.

Ang isyu, binaboy ang sagradong gawad parangal. Biruin mo, isisingit lang, National Artist na? Kahit pa wala sa kategorya? Halatang pilit lang isinaksak sa listahan si Carlo J. Caparas.

Kung ako sa kanya, yuyuko na lang ako habang suot-suot ko ang medalyang nakuha niya lamang sa pandaraya. Palagay ko, mas hahangaan ng publiko si Caparas kung isasauli na lang niya ang award. Nakakasuka kasi!

Samantala, pumalag na ang iba't-ibang sektor ng lipunan sa pambababoy na iyon sa Pambansang Gawad. Kabilang sa mga nagpoprotesta ay ang NCCA at CCP Board of Trustees na siyang nagbigay ng listahan sa Malacañang.

Sa mga readers ng pinoyPEP na 'di sumasang-ayon sa pagkakahirang kay Caparas, inaanyayahan namin kayong lumagda sa ON-LINE PETITION para kundenahin ang pambababoy ng Malacañang sa Sining Pilipino sa paghirang sa isang buwayang katulad ni Carlo J. Caparas.

WILLIE REVILLAME, WALANG KASALANAN!

2009-08-10T02:49:00.000-07:00

Kami lang siguro ang sasalungat sa agos ng maingay na kontrobersiya sa mga sandaling ito. Putok na putok kasi ang ayon sa ilan ay pambabastos ni Willie Revillame sa mga labi ng Dating Pangulong Cory Aquino sa kanyang noontime show na Wowowee.

Actually, on cover ako nang mga panahong nangyari ang insidente ng di umano'y pambabastos ni Willie. Kung matatandaan ninyo, yun yung araw kung saan inililipat yung Funeral Cortege ni Tita Cory from Greenhills to Manila Cathedral.

Sa youtube at sa kwento na lang ng mga kapatid namin sa hanap-buhay nanggaling ang info na ibinato sa amin.

Ayon sa kanila, ipinatigil raw ni Willie ang simulteneous coverage ng ABS-CBN sa big event ng pagpanaw ni Tita Cory. Hindi raw kasi makapag-concentrate ang host sa pagpapasaya sa audience habang ang kalahati ng screen ay ipinapakita ang karosa ng patay na si Pangulong Aquino.

"Kung ganyan, pakita na lang natin 'yan. Kasi nagsasaya kami dito, tapos... Masakit sa akin 'yan, e. Nagsasalita ako dito... 'yan, please. Sana maintindihan n'yo. Nagsasaya kami dito, papakita n'yo sa amin yun ang... di ba? Hindi tama, e. Okey? Hindi ba?"

"Pangit! Hindi ho maganda sa atin. Nagsasalita, ipinapakita yung kabaong ni Tita Cory, hindi ba? Papano kami makapagsasaya, nahihirapan kami? I'm sorry ho, ha. Pero ako, totoo ako, e. 'Wag n'yo akong pagagalitan, kasi totoo ang gusto kong malaman..."

"Pagkatapos ng show, ipakita n'yo ang gusto n'yong palabas. Kasi itong Wowowee, gusto ko... Hindi ba, at alam din ni Tita Cory 'yan dahil napasaya rin siya ng show na ito na laging masaya dito, ok?"

Madalas naming pitikin si Willie. Hindi namin siya kinakampihan. At kailanman, walang sinuman ang kakampihan ng pinoyPEP. Ang sa amin lang, kilatisin natin ang isyu.

Sa pagkakataong ito, gaya ng nasabi namin kanina, sasalungat kami sa agos. Tataliwas kami sa pananaw ng maraming detractors ni Willie.

Una, ang purpose ni Willie ay napaka-simple. Gusto niyang hindi maging katawa-tawa ang Wowowee dahil buong mundo ang nakakapanood nito. Saan ka nga naman nakakita ng programang gumigiling sa studio samantalang ang kalahati ng screen, kabaong? 'Di ba? Walang mali dun.

Pangalawa, ang GMA 7 nga, hindi ginagawa iyon, bakit kailangang ipakita pa iyon ng ABS? Ano? Gusto nila ng exclusive scoop kahit wala sa lugar?

Naiintindihan namin si Willie. Kahit sinong host, madedestruct talaga.

Ayon sa impormasyong ibinigay sa amin, nung unang commercial pa lang daw, tinawagan na ni Willie ang ABS-CBN Executive na si Ms. Linggit Tan at sinabing kung pwede ay huwag nang ipakita ang coverage.

Nang bumalik sa ere ang Wowowee sa segment nitong Willie of Fortune, ibinalik na naman yung screen simulcast. Hindi na nakatiis si Willie at sa ere mismo ay ipinatanggal niya yun. Kaagad namang sinunod ng Technical Department.

Malinis ang intensyon ni Willie. Hindi siya dapat sisihin sa nangyaring iyon. Ang may mali ay ang ABS-CBN mismo. Timawa sila sa exclusive rights. Gahaman sa popularidad.

Pasintabi sa Pamilya Aquino. Alam naming nagluluksa pa sila sa mga panahong ito. Pero, sa aming pananaw, hindi rin inenjoy ni Tita Cory ang sobrang coverage sa burol niya ng ABS.

Grabe! Sobra sa pagiging mapapel ang Network na iyan. Ngayon, sila rin ang naiipit. Hinahanap ng tao si Willie sa Wowowee na absent simula pa nung Sabado.

Sabi ng Wowowee, may sakit daw ang host at nagpapahinga.

Pero, alam naming hindi kinaya ni Willie ang sobrang ingay na naging kontrobersiya na nagawa ng simpleng pagsasa-ayos niya ng sistema ng programa ng bayan.

Pumutok ang internet sa dami ng post na kumukundena kay Willie. May mga on-line petitions pa nga na inilabas ang ilan para tuluyang tanggalin si Willie sa Wowowee. Umabot na rin ang usapin sa MTRCB.

Ang hirap sa ating mga Pilipino, masyado tayong nagiging mapanghusga. Umiiral pa rin sa atin ang crab mentality. Kapwa natin Pilipino, ibinababa nating pilit. Nadadala tayo ng ingay ng ilan na walang pakay kundi ang biradahin si Willie na wala namang ginagawa kundi kumpletuhin ang tanghalian ng mga Pilipino sa kanyang napakatotoong programa.

Malaking papel ang ginagampanan ni Willie sa buhay ng bawat Pilipino. Pero, huwag nating kalimutan na tao ring katulad natin ang host. At tulad natin, may karapatan siyang pumalag kung baluktot ang nangyayari. May say siya sa programa dahil programa niya iyon.

At, tanggapin man ng ilan o hindi, walang buhay ang Wowowee kung wala si Willie. Let us try to see the good things that he brought to each and everyone of us. Wag nating gawing bond paper si Willie at tingnan ang mga maliliit na tuldok sa kanya.

Ang punto ng pinoyPEP ay simple. Tigilan ang pagpapalala sa isyu. Kailangan ng mga Pilipino si Willie. Yun lang.

THE FUNERAL CORTEGE FOR PRESIDENT CORY AQUINO

2009-08-05T17:01:00.000-07:00

Tumagal nang mahigit labing-limang oras ang aking coverage kahapon sa Funeral Procession para kay Dating Pangulong Corazon Aquino mula Manila Cathedral patungo sa Manila Memorial Park sa Sucat, Parañaque.

Ala-sais pa lang nang umaga ay pumoste na kami sa Quirino Avenue kung saan hindi na mahulugang karayom ang dami ng mga tao. Pilit akong sumiksik sa loob ng sandamukal na tao kasama si Kuya Boy na aking Camera/Audioman.

Ito na nga yata ang pinakamalaking hamon sa aming mga mamamahayag. Biruin mo, bumubuhos ang ulan, walang kainan, puno ng mga tao, at palipat-lipat kami ng location. Humahanap ng kakaibang anggulo at scoop. Ibang klaseng coverage talaga ang na-experience namin kahapon.

Sa taya ng NCR Police, umabot ng 200, 000 ang sumama sa prusisyon ni Tita Cory. Nag-uumapaw na emosyon ang mood ng crowd sa iba't-ibang lugar na pinostehan namin ni Kuya Boy.

Mula sa Quirino, lumipat kami ng Osmeña, tumuloy ng SLEX Exit, lumipat sa Skyway Flyover, sa Sucat, at ang huli, sa Manila Memorial.

Narito po ang ibinunga ng labing-limang oras naming pagbabantay. Hayaan ninyong ibahagi ko sa inyo ang mga larawang kuha ng pinoyPEP sa Funeral Procession na aming kinover.

EXCLUSIVE! KRIS AQUINO, BINASAG ANG KATAHIMIKAN!

2009-08-02T03:44:00.000-07:00

Isang matapang na Kris Aquino ang humarap sa isang eksklusibong interview sa The Buzz, ilang sandali ang nakakaraan habang sinusulat ang artikulong ito.

Sa panayam na pinangunahan ni Boy Abunda, unang lumabas si Kris matapos pumanaw ang kanyang ina na si Dating Pangulong Corazon Aquino noong Sabado, August 1.

Ang ABS-CBN ang official broadcast partner ng Pamilya Aquino. Kung kaya't, sa istasyon ring iyon ginawa ni Kris ang inaabangang pagbasag ng kanyang katahimikan. Huli kasing lumabas sa telebisyon ang aktres noong July 19, Linggo, sa programang The Buzz, upang panandaliang magpaalam sa kanyang mga tv shows.

Magmula noon, ginugol ng aktres ang kanyang oras sa walang humpay na pag-aalaga sa kanyang mahal na ina sa mga huling sandali ng buhay nito.

Sinimulan ni Kris ang pasasalamat sa walang tigil na pakikiramay at simpatiya ng Sambayanang Pilipino sa pagpanaw ng kanilang ina. Binigyang-diin ni Kris na ang pagbuhos ng suporta galing sa publiko ay malaking tulong upang maibsan nila ang pighati at pangungulila kay Pangulong Cory.

"Mahirap maging malungkot. Pero, mas mahirap malungkot nang ikaw lang mag-isa."

Matapang na ibinahagi ni Kris ang buong-buong detalye ng naging paghihirap ni Tita Cory mula July 1, isang buwan bago ito pumanaw. Bagamat bumubuhos ang pabugso-bugsong emosyon ni Kris, tinitingala pa rin ng pinoyPEP ang lakas ng loob na harapin ang publiko.

For us, if there's someone that can tell us everything that happened, and everything that is right for the public to know, that would be Kris Aquino. We really commend her strength.

Sa isang pagkakataon, sinabi umano ni Tita Cory sa anak niyang si Ballsy na she's ready to join Ninoy. But Ballsy replied, "were not yet ready, Mom."

Inilarawan ni Kris ang hindi matatawarang katapangan ni Tita Cory sa pakikibaka nito sa sakit na cancer. Sinariwa ng aktres ang mga di malilimutang sandali kung saan hindi iniinda ni Tita Cory ang karamdaman upang pasayahin ang pamilya, especially, Josh and Baby James.

Pero, ibinahagi ni Kris na noong July 08, tila hindi na nakayanan ng kanyang ina. Ayon kay Kris, that was the first time na nagbroke-down si Mrs. Aquino. Hindi na raw kayang tiisin ng Pangulo ang sakit na nararamdaman. The President kept on telling everybody na gusto na niyang umuwi.

"It's so hard to see your Mom crying with the fact na you can do nothing."

Sa awa na nakikita ni Kris sa kanyang ina, at dahil na rin sa pagtatapat ng mga attending Doctors ni Mrs. Aquino, Kris came into conclusion na kailangan na nilang i-let go ang pinakamamahal na ina. Kinunsulta ni Kris ang mga kapatid asking the permission kung maaring bulungan na nila ang ina na magpahinga na. The siblings agreed.

After praying the Rosary kung saan siya humugot ng lakas ng loob, mata sa matang sinabi ni Kris ang pamamaalam sa mahal na ina na gising ng mga sandaling iyon.

"Mom, were ready for you to join Dad. Kasi, ayaw ka naming makitang nahihirapan pa."

Ilang araw ang nagdaan, tila lalong lumalala ang sitwasyon. Humihina ang mga vital signs at hindi na rin normal ang function ng ilang mga organs.

Isang nakakikilabot na pangyayari ang ibinahagi ni Kris. Ayon sa kanya, ipinatawag siya ng ina sa loob ng kuwarto nito. Nang mga sandaling iyon ay nasa labas si Kris at nagkakape. The nurse called her.

Nang pumasok si Kris sa room ni Tita Cory, walang ilaw kundi ang night lamp na nasa tabi nito. Pero, nagtaka siya nang mapansing may tila spotlight sa katawan ng ina. Nang lapitan nito si Tita Cory at tanungin kung may kailangan ito, ikinagulat ni Kris ang naging tugon ng ina.

"I can already see Ninoy."

Pinigilan ni Kris ang emosyon ng mga sandaling iyon. Tinanong niya ang ina kung sinusundo ba siya ni Ninoy. Tumango ang Dating Pangulo. Kris said that she could go with her Dad.

Binigyan ng morphine ang Dating Pangulo. Ito'y upang mabawasan ang sakit na nararamdaman nito. Colon Cancer was the second most painful cancer.

Dagdag ng aktres, the last clear word that her Mother was able to say was "FAMILY", after she asked her what else she need.

Inihayag rin ni Kris ang sama ng loob sa Malacañang. Tinangka raw kasing i-recall ang dalawang malapit na security personels ni Tita Cory, bagay na iknasama ng loob ng kanilang pamilya. Isa kasi sa mga pribilehiyo ng mga naging Chief of Staff ay ang pagkakataon na mabigyan ng libreng Security from the Palace.

Sa tingin namin, isa ang bagay na iyon sa mga naging dahilan ng pamilya Aquino sa pagtanggi sa isang State Funeral na bahagi ng protocol para sa naging Pangulo ng Pilipinas. Nilinaw naman ni Kris na hindi pulitika ang dahilan ng pagtanggi nila.

Sa inilagi rin ni Pangulong Cory sa loob ng Makati Med, tila naging hudyat ng pagtatapos ng hidwaan sa ilang personalidad. Tila ba lumabas ang pananaw ng mga kalaban ng Dating Pangulo na isang mabuting kaibigan si Cory.

Ilan sa mga dumalaw ay sina dating Senadora Tessie Aquino Oreta, ang kapatid ni Ninoy. Matatandaan na sumalungat si Oreta nang pumanig ito sa Administrasyon. Naging maingay ang hidwaan sa pagitan niya at ni Mrs. Aquino. Isa rin sa mga dumalaw ay si Dating Pangulong Erap Estrada. Bagamat isa si Cory sa mga tumayo sa EDSA para patalsikin siya noong 2001, ipinakita pa rin ni Estrada ang paghanga sa Dating Pangulo. Bagay na labis na-appreciate ni Kris at ng buong Pamilya nito.

Nang pumanaw si Pangulong Cory noong Sabado, August 1, hindi kailanman umalis si Kris sa tabi nito. Saksi si Kris mula sa mga hospital procedures tulad ng pagpapahid ng mga kemikal, paglalagay ng identification sa paa at ang paglilipat ng bangkay sa body bag.

Si Kris rin ang kasama sa ambulansya na nagdala sa mga labi mula Makati Med patungong Heritage Park sa Taguig.

Nagsilbing punong-abala ang bunso ni Mrs. Aquino sa pagpili ng isusuot nito, ang make-up, hair style, at pati ang kabaong.

Sa mga panahong ito, nilalabanan ni Kris ang lungkot sa pamamagitan ng imahinasyong masaya na si Cory kasama si Ninoy.

Pangako rin ng aktres sa ina that she would continue her Mom's devotion to the Holy Rosary. Baka gumawa ng Holy Rosary album si Kris o iba pang paraan para ipagpatuloy ang nakakahangang faith ng ina.

Patuloy naman kaming nakabantay sa La Salle Greenhills kung saan patuloy ang pagdagsa ng mga supporters ng Dating Pangulo na di alintana ang masungit na panahon upang magbigay ng kanilang huling sulyap sa Ina ng Demokrasya. Umabot na nga sa apat na turns ang pila na tatagal ng tatlo hanggang apat na oras para marating ang kinaroroonan ng mga labi ni Pangulong Cory.

Walang patid na magbibigay ng mga latest info's ang pinoyPEP hanggang sa libing ng Dating Pangulong Cory Aquino sa Miyerkules, August 5.

Samantala, idineklara naman ng Palasyo na Special Non-Working Holiday ang August 5 upang makiisa sa paghahatid kay Pres. Cory sa huling hantungan nito.

PAALAM, PANGULONG CORY AQUINO

2009-07-31T16:29:00.000-07:00

Malungkot na inanunsyo ni Sen. Noynoy Aquino ang payapang pagpanaw ng kanyang ina na si Dating Pangulong Corazon Aquino bandang 03:18 ng madaling araw sa respiratory cardiac arrest.

Habang dinadasal ng pamilya Aquino ang ika-limang misteryo ng Santo Rosaryo sa kwarto ng dating Pangulo sa Makati Medical Center, ganap itong bumigay sa pakikipaglaban sa Colon Cancer.

Inatasan naman ng mga naulila ni Tita Cory ang TV Host na si Boy Abunda na siya munang humarap sa Media. Nananatili namang matatag ang buong pamilya ng Dating Presidente sa kabila ng pagpanaw nito.

Kung inyong matatandaan, inilabas ng pinoyPEP ang balita galing sa isang mapagkakatiwalaang source tungkol sa kalagayan ni Tita Cory at sa kanyang pakikibaka sa Colon Cancer. Sinabi ng source na isang linggo na lang ang itatagal ng Dating Pangulo. Hindi nga nagkamali ang aming source. Isang linggo mula nang una naming isulat ang tungkol sa balitang iyon, pumanaw na si Cory Aquino.

Sa kabila ng walang patid na panalangin at atensyong medical, hindi pa rin nakayanang labanan ng Dating Pangulo ang nakamamatay na sakit.

Si Cory ay nagsilbing larawan ng katatagan sa Sambayanang Pilipino. Siya ang bumuhay ng demokrasya sa bansang Pilipinas matapos paslangin ang kanyang asawang si Sen. Ninoy Aquino.

Walang humpay ang pagdadasal ni Cory para sa kapayapaan ng ating Republika. Kasama rin si Cory sa mga kilos protesta laban sa mga mababahong alingawngaw ng maruming kulay pulitika.

Sa kanyang paglisan, hindi malilimutan ng bansang Pilipinas ang kanyang malaking kontribusyon sa pagbuhay na muli ng Kalayaan. Mananatili si Cory Aquino na imahe ng katatagan at pagkakaisa.

Sa kanyang mapait na laban sa Colon Cancer, pinatunayan lamang na hanggang sa huli, mabigat pa rin ang hamong ibinato ng tadhana sa kanya.

Ipinaaabot ng pinoyPEP ang taos-pusong pakikiramay sa mga naulila ni Pangulong Corazon Aquino.

Sa mga sandaling ito, isang pribadong pagtatanod ang ginagawa ng mga pamilya ni Cory sa The Heritage Park, Taguig.

OMG, SHOWING NA!

2009-07-29T18:29:00.001-07:00

Pinuno ng tao nina Judy Ann Santos at Ogie Alcasid ang isang sinehan sa TRINOMA para sa kanilang Premiere Night ng Pelikulang OMG (Oh! My Girl!), na kanilang pinagbibidahan.

Hindi maikakailang excited ang mga fans sa kauna-unahang tambalan ng dalawang sikat na artista. Dagdag pa ang intriga na galing ang dalawa sa magka-bilang istasyon ng telebisyon na nagpupuk-pukan sa ratings.

Todo suporta naman ang kani-kanilang real partners na sina Ryan Agoncillo at Regine Velasquez na present sa naturang event.

Bigatin ang production ng OMG. Halatang ginastusan ang kahit sa set nang minsang bumisita ang pinoyPEP sa shoot ng naturang pelikula.

Ayaw namang sabihin ni Mother Lily Monteverde, Head ng Regal Entertainment, na siyang nag-produce ng movie, kung magkano ang estimated movie expenses. Pero, tiyak naman daw na mababawi ng Regal iyon. Malaki raw ang tiwala ni Mother kay Ogie at Juday.

Samantala, kung inyong matatandaan, pinasabog ng dalawang higanteng istasyon ng T.V ang isyung namamapak ng manggang hilaw si Juday sa shoot ng OMG. For clarity lang, ang isyung yun ay eksklusibong scoop ng pinoyPEP. Sa amin unang lumabas iyon. Nakaradar lang ang dos at siete kaya't ibrinodcast nila kaagad.

Expected naman namin na ganon ang kalakaran sa media. Agawan ng scoop. Nakawan ng coverage. Unahan sa balita. Ang sa amin, paglilinaw lang. Ang scoop na nakuha naming namamapak ng mangga si Juday, sa amin yun. Credit dapat namin yun. Hindi yun dapat angkinin ng kahit sinong pilato.

Samantala, hindi raw naman biro ang hirap ni Ogie Alcasid sa pelikulang ito. Ang costume at prostetics pa lang ay inaabot na ng 45minutes ang pagkakabit. Sa pagod nga raw, napabalitang nakatulog ang aktor na may suot na bra.

Hagard kay Ogie ang gumawa ng pelikula. Busy siya ngayon. May bagong Album, Hole in the Wall, Bubble Gang at S.O.P pa. Paano pa nga naman niya maisisingit si Regine? :)

Ayon sa aming source, napasubo lang talaga si Ogie sa Regal. Kaya't, pinilit niyang gawin ang OMG. Finally, natapos rin nila.

WOWOWEE SABADO SPECIAL

2009-07-25T22:29:00.001-07:00

Buhay na buhay ang opening number ng nangungunang noontime show sa telebisyon, ang WOWOWEE, noong Sabado, July25. Pinangunahan ni Bea Alonzo ang dance number kasama ang ASF Dancers at ang mga co-host ng Wowowee na sina RR, Mariel at Valerie.Syempre pa, lumabas din si Willie Revillame sa opening upang kantahin ang kanyang mga hit novelty songs.

Kumuha nang sampung bigat-10 para maglaro sa kanilang kwelang HEP! HEP! HOORAY! Portion. Nagkukumahog ang studio audience dahil sa laki ng papremyo. Umabot na kasi sa P 850, 000 ang gantimpalang naghihintay sa mga kalahok galing sa Rexona.

Dalawang contestant na lang ang natira sa nakakalitong game. Nang biglang lumabas si Willie at ipinatigil ang labanan ng dalawang contestant.

“Teka, Sabado ngayon e. Kailangan magkasama. Gusto niyo bang maghati?”

Agad namang umo-o ang dalawang kalahok. Mahirap nga namang makipag-sapalaran. Isang matandang ale at isang sosyalerang dalaga ang natira sa game portion. They have all the chances of winning. Sila naman ang pipili ng kulay kung saan naroon ang mga papremyo.

Ang tatlong kulay na kanilang napili ay red, white and green.

The moment of truth. Pinapili na sila ni Willie ng gusto nilang kulay. Pinili ng matandang babae ang kulay pula, samantalang berde naman ang gusto ng sosyalerang dalaga.

Sa panuntunan ng game, kailangang isa lang ang piliin. Nagdesisyon ang dalawa na sa berde pumunta. Alam na naman ni Willie kung ano ang laman ng mga kulay na iyon. Iniabot na kasi ng isang Auditng Firm Representative sa kanya ang listahan ng prizes.

Binuksan ni Willie ang kulay ng pula. Presto! P 190, 000 ang laman galing sa Vaseline. Kitang-kita ang panghihinayang sa dalawa. Pero, may pag-asa pa. May 850K from Rexona. Malakas ang kutob ng dalawang contestant na nasa kulay ng green iyon.

Doon na ginamit ni Willie ang bluffing tactic niya. Para sa amin, daya ang ginawa ng host. Tila dinidiktahan na niya ang mga contestant. Yung mga linya niya eh parang pinapauwi na yung naglalaro. Kulang na lang eh sabihing walang laman ang kulay na pinili nila. Ilan sa mga mapanlinlang na pahayag ni Willie ay ang mgas sumusunod;

“Naku! Lumabas na yung isang malaking premyo. Dalawa lang naman ang malaki dyan.”

“Kutob ng damdamin? Baka itlog o sandok yang kutob ng damdamin niyo.”

Nagsimulang tawaran ni Willie ang kulay. Nang umabot sa 40, 000 ang tawad ni Willie, nag-cash na ang matandang babae. Pero, ang sosyalerang dalaga, desidido na buksan ang kulay berde.

“Ayaw mo ng 20, 000? Bahala ka! Wag mo kaming sisisihin.”, sabi ni Willie.

Marami pang nakaka-lokong statement ang host. Kung kaya't, bandang huli, nag-cash na rin ang sosyalerang dalaga.

Hindi na kami nagulat sa mga sumunod na pangyayari.

Binuksan ang green. Presto! Nandoon ang 850, 000 ng Rexona.

Madalas na naming mapansin ang maling paraan ni Willie ng pagtatanong sa mga contestant ng Hep! Hep! Hooray! Tila ba ayaw ibigay ng show ang malaking papremyo ng Rexona. Pano naman kasi, wala nang gaganahan sa baduy na portion nila kung mawawala ang biggest prize na nadadagdagan araw-araw.

Sana naman, gawing patas ni Willie ang game. Marami kasing natatanggap na e-mail ang pinoyPEP galing sa mga TFC Subscribers na nahahalata na rin ang panggogoyo ng host. Kung ayaw ni Willie na tawaging mandaraya, ayusin niya ang trabaho niya bilang host na nagrereflect sa kredebilidad ng show nila.

Sa hit portion ng WOWOWEE na Willie of Fortune, ang mga naglaro ay ang mga bidang OFW na ulila nang lubos. Meaning, wala na silang ina at ama. Nag-abroad sila upang buhayin ang mga kapatid.

Syempre pa, hindi nawala ang drama habang ini-interview ni Willie ang mga contestant. Sakto naman na nasa audience si Senator Manny Villar, kilalang tumutulong sa mga OFW's at maugong na Presidentiable for 2010.

Kataka-takang paulit-ulit na tinatanong ni Willie ang mga contestant kung may sarili silang bahay. Nalito kami dahil ang alam namin ay hindi nagbibigay ng house and lot sa PASALOG. P 500, 000 lang ang pinakamalaking mapapanalunan doon.

Nang matapos ang game. Pinapunta ni Willie sa center stage ang anim na contestant. Sa puntong iyon, tinawag ni Willie si Sen. Villar. Pinayagan ni Willie na ihayag ng Senador ang kanyang mga adhikain sa pulitika.

Tinanong rin ni Willie si Villar kung ano ang mensahe nito para sa mga kapwa Presidentiable.

“Sabi ko nga, kailangan nating tumulong sa mga mahihirap. Yung mga nasa ilalim. Dahil yung mga nasa taas, kaya na nila ang sarili nila. Ang dapat nating tulungan ay yung mga nasa ibaba. Mahirap yung ikukwento lang natin yung mga gagawin natin.Kung tutulong tayo, dapat siguro ngayon na.”

Sa sandaling iyon, ikinagulat ng lahat ang sumunod na naging pahayag ni Willie.

“So, sabi niyo Senator, kung tutulong ngayon na. So, mismong ngayon na, mismong sa oras na 'to. May hihingin akong pabor sa inyo ngayon. Ewan ko kung baka, mapahiya lang kayo. Nasa sa inyo naman. Ito po'y personal ko. Ito po bang anim na contestant ay mabibigyan ninyo ng house and lot?”

Napuno nang sigawan ang loob ng studio. Marami na rin ang nag-iiyakan. Talagang nakakakilabot ang hinihinging pabor ni Willie sa Senador.

“Sabi ko naman sa'yo Willie. Kung ano, ok. Ibibigay ko.”

At tuluyan nang nagbreak-down ang anim na contestant. Niyakap nila ang Senador. Napuno naman ng palakpakan ang studio. Nagsisigawan ang mga audience.

PERO, isang impormasyon ang dumating sa pinoyPEP na hindi na namin ikinagulat. Di umano, planado ni Willie ang nangyari. Ayon kasi sa aming mapagkakatiwalaang source, madalas ang meeting sa pagitan ni Revillame at Villar. Daang milyon umano ang ipinatong ni Villar kay Willie upang ikampanya ito sa pagka-Pangulo.

Sinusugan naman ni Tita Cristy Fermin ang naturang info sa kanyang kolum sa BULGAR. Pinatunayan niya ang tsismaks na si Villar na nga ang opisyal na dadalin ni Willie sa 2010.

Pero, ganunpaman, ang ending pa rin, nakatulong si Sen. Manny Villar. Yun lang!

Matapos naman ang madramang eksena ng mga OFW's, inaliw ng ballroom dancing sensation na si Nanay Dionisia Pacquiao ang mga manonood sa kanyang inaabangang pagbabalik sa WOWOWEE. Ito'y matapos ang kanyang nakakabiting appearance noong Lunes sa naturang programa.

Nakakaaliw talaga ang kabaduyan ni Mommy D. Apat na phasing ang kanyang bonggang dance number na sinabayan ng ASF at syempre pa, ang D.I ni Mommy Dionisia na kasabay na rin niyang sumisikat.

Sa apat na segment ng dance number, apat na beses ring nagpalit ng costume si Nanay Dionisia. Kahit pa halatang ipinatong lang ang mga ito, A for the effort pa rin ang hatol ng mga nanonood.

Samantala, sa naturang show rin cinelebrate ang birthday ng King of Comedy na si Tito Dolphy. Ipinagdiriwang nito ang kanyang ika-81 kaarawan.

Hiyawan sa studio nang palabasin ni Willie si Tito Dolph's. Ito'y matapos niyang awitin ang kantang SMILE.

Elegante pero kwela pa rin ang dating ni Tito Dolphy sa kanyang suot na black suit na pinapalooban ng pulang polo.

Syempre pa, may inihandang presentation ang staff ng WOWOWEE. Ang mga clips mula sa pelikula ng Hari ng komedya. Pero, mukhang hindi ito pinaghandaan. Tila isang basurang slide show ng mga pinagputol-putol na video clips na walang direktang patutunguhan. Basag pa ang audio at halatang Windows Movie Maker lang ang ginamit.

For a number one noontime show, hindi yata tamang gamitin ang Movie Maker para sa isang espesyal na personalidad ng showbiz. Nakaka-dismaya talaga.

Hindi rin naitago ang kabastusan ni Willie. Pakwela nitong tinatanong si Tito Dolph's tungkol sa buhay sexual. Pabiro naman siyang sinagot nito.

“May gamot naman e.”

Pero, wala sa timing kung joke nga ni Willie iyon. Halow? Birthday kaya ng kausap niya. Wala na bang alam na ibang way si Willie ng pagpapatawa kundi maging bastos?

Kinanta ni Tito Dolphy ang hit single ni Willie na Ikaw na Nga. Ayon kay Willie, ang buong akala raw ni Tito Dolph's ay siya ang makaka-duet nito.

Nang biglang lumabas si Zsa Zsa Padilla na kabiyak ng Hari ng Komedya.

Pero, obuse namang lift sing yun. Paano sasabihing hindi alam ni Tito Dolphy. E, pati yung kay Zsasing, lift sing rin. May pagka-sinungaling rin si Willie e.

Bagay na ikinadi-dismaya ng mga fans ng naturang show. Bakit kailangan pang manloko gayong maiintindihan naman ng audience kung sasabihin nila ang totoo.

For an 81 year old man, kakanta ng live sa isang song na hindi familiar sa kanya? Duhh..

Anyway, sa kasalukuyang ratings, malayo pa rin ang agwat ng WOWOWEE at EAT BULAGA. Patunay lamang na ang show pa rin ni Willie ang kinakagat ng masa.

And for that, Congratulations!

RICHARD GUTIEREZ, IDENEMANDA!

2009-07-24T17:12:00.000-07:00

Pormal na isinampa ni Lorayne Pardo sa Cavite Provincial Office ang kasong Reckless Imprudence resulting to Homicide sa sikat na aktor na si Richard Gutirez.

Si Lorayne ay ang byuda ni Norman Pardo, ang Personal Assistant ni Richard na nasawi sa aksidenteng kinasangkutan ng aktor, ilang buwan na ang nakararaan.

Sa tulong ni Atty. Firdaussi Abass, inihain ni Lorayne ang kanyang affidavit sa Korte. Ayon sa kanya, ilang araw na siyang hindi pinapatulog ng asawa. Madalas niya umanong mapanaginipan ito.

Ipinakita rin ni Lorayne sa press ang ticket ng LTO na nakuha niya sa wallet ni Nomar. Kay Richard Gutierez nakatala ang violation na Reckless Driving. Patunay lang daw ito na kaskasero si Richard. Madalas daw ibida ni Nomar nung nabubuhay pa ito na mabilis talagang magmaneho ang aktor.

Masama rin daw ang loob ni Lorayne dahil tila kinawawa ang kanyang asawa sa pinangyarihan ng aksidente. 30 minutes na daw kasi ang lumipas bago ni-rescue si Nomar, samantalang si Richard ay agad naitakbo sa ospital. Pakiramdam tuloy niya ay pinabayaan ng GMA Staffs ang kanyang kabiyak.

Ni hindi rin daw nag-sorry ang kampo ni Chard. Wala pa rin daw siyang natatanggap na tulong-pinansyal mula sa pamilya Gutierez.

Handa raw harapin ni Lorayne ang mabigat na dagok na kanyang ipinaglalaban. Alam niya kasing magiging mahirap ang lahat. Sanay na kasi ang pamilya ni Richard na humarap sa mga kaso sa Korte.

Nilinaw ni Lorayne na hindi pera ng mga Gutierez ang gusto niya. Katunayan, inihayag niya sa media na hindi siya kailan man magiging bukas sa out-of-court settlement.

Samantala, sa selebrasyon ng birthday ng yumaong talent manager na si Douglas Quijano, inilabas ni Tita Anabelle Rama ang galit niya kay Lorayne.

Iginiit ni Anabelle na walang pananagutan si Richard dahil aksidente ang nangyari. Handa raw silang humarap sa korte.

Tinawag namang traydor ni Anabelle si Lorayne.

Alam naming dagdag isipin na naman ito sa kanya lalo pa't hindi pa natatapos ang kasong libelo na isinampa sa kanya ng GMA Executive na si Wilma Galvante.

Ayon naman sa isang text message na aming natanggap mula kay Atty. Agnes Maranan, ang abugado ni Richard;

“no one has to blame it.
Richard almost died too..”

Sa kabi-kabilang kaso na kinahaharap ng pamilya ni Chard, tila napapatunayan na sila ang pinaka-kontrobersyal na pamilya sa Philippine Entertainment Industry.

WILLIE REVILLAME, BUHAY NA BUHAY!

2009-07-24T16:51:00.000-07:00

Sumabog ang Google Search Engine kahapon sa milyon-milyong Pilipino na kumukumpirma kung totoo ang balitang pumanaw na ang pinaka-sikat na tv host ng kasalukuyang panahon na si Willie Revillame.

Sa ginawang pagsisiyasat ng pinoyPEP, nagmula ang internet tsismis sa isang Pilipino sa Amerika na ipinaskil sa Twitter.

Sa kasamaang-palad, mabilis itong pinick-up ng napakaraming blog at websites, kaya naman mabilis pa sa alas-kwatrong lumaganap ang tsismis.

Maging kami ay nabahala sa balitang iyon. Itinext pa namin si Wil upang malaman kung totoo ang balita. Hindi nga lang siya nagreply.

Kinumpirma naman sa amin ni Tita Anna Feliciano na buhay na buhay si Willie. Wala umanong katotohanan ang balitang kumakalat sa net.

Samantala, kwelang hinarap ni Willie ang isyu kahapon sa Wowowee.

“Naniniwala ba kayo sa multo?”, pabirong tanong ni Willie.

Napakarami raw ng nag-text at tumawag sa kanya kaninang umaga. Isa daw sa mga nabahala ay si Direk Bobot Mortiz na tumawag pa mismo kay Wil.

“Wil, buhay ka pa ba?”

“Wag kang mag-alala, buhay ako, kikita ka pa..”, sagot ni Willie kay Direk Bobot.

Paulit-ulit na binabanggit ni Willie ang salitang “buhay na buhay ako”. Katunayan, madalas nang nababanggit ni Wil ang tungkol sa kanyang pagpanaw. Lahat naman daw ay darating sa puntong yun.

“Ang gusto ko, andito ko sa gitna. Tuloy pa rin ang show ng Wowowee. Gusto ko yung see-through”.

Pinasalamatan naman ni Willie ang nasa likod ng nakaka-alarmang balita.

“Kung sino man ang gumawa no'n, salamat. Eto ako, buhay na buhay”.

Sa mapanirang balitang iyon, ang tanong ng marami, dapat pa nga bang pagkatiwalaan ang mga impormasyong nakukuha sa mga websites ng internet?

Hindi maikakailang marami ang gustong kumuha ng atensyon.

Sa nangyaring iyon, napatunayan lamang na sikat na sikat talaga si Willie Revillame.

Juday & Ryan on their third month..

2009-07-24T16:29:00.000-07:00

Masayang-masaya ang mag-asawang Judy Ann Santos at Ryan Agoncillo sa kanilang ikatlong buwan ng pagiging mag-asawa. Lalo pa ngayon na lumipat na sila ng bahay.

Sa press-con ng pelikula ni Juday na Oh! My Girl! (OMG), na pinagtatambalan nila ni Ogie Alcasid, masayang ibinida ng aktres na excited sila sa mga adjustments ng buhay may-asawa.

Hindi rin maitago ang kasabikan ni Juday na magkaroon ng baby. Katunayan, ayon mismo sa kanya, kumunsulta na raw siya sa doktor bago pa sila ikasal ni Ryan bilang paghahanda sa pagiging ina.

Pero, tila nauudlot ang plano nilang magkaroon ng sariling anak dahil sa stress. Kabi-kabilaan kasi ang mga projects ng mag-asawa, Tila nawawalan na raw sila ng time bara mag-bonding, lalo na sa kama.

Humingi naman si Juday ng tulong sa publiko upang ipagdasal ang kanyang napipintong pagbubuntis. Talagang gustong-gusto na raw nilang magka-baby.

Hindi pa nga lang siguro panahon. Pero, we're sure, darating yan! Wag nyong madaliin.

GOVERNOR V, HINDI READY FOR VP

2009-07-23T18:18:00.000-07:00

Isa na yata sa pinakamatagumpay na personalidad ng showbiz ay ang Star for All Season na si Vilma Santos. Sa kabila ng kanyang makulay na karera sa industriya ng pelikula at telebisyon, nagawa pa rin ni Ate V na maglingkod sa publiko, partikular sa Batangas, kung saan siya ang kasalukuyang Governor.

Kahapon, tinanong ng press si Ate V tungkol sa political plans ng kanyang kabiyak na si National Economic Development Authority (NEDA) Sec. Ralph Recto.

Ayon kay Vilma, wala pang pinal na desisyon si Ralph. Pero, malamang umano na muli itong tumakbong Senador sa kabila ng pagkabigo noong nakaraang 2007 Elections.

Samantala, hindi rin naiwasang intrigahin ang Star for All Season tungkol sa maugong na pagtakbo niya bilang Vice-President sa darating na Halalan sa 2010.

"kung tatakbo man ako ulit, another term as governor, but definitely not as vice-president. Kung papipiliin, ang focus ko lahat nasa Batangas, wala sa National position na Vice President. Hindi ako handa para diyan."

Hindi naman naiwasan ng ilan na itanong kay Ate V kung magiging katulad noong 2007 ang pahayag niya ngayon. Matatandaan kasi na sinabi noon ng aktres na hindi siya tatakbong gobernador, pero, siya na ang governor ng Batangas ngayon.

Ayon kay Ate V, ang pagka-panalo niya bilang governor ay destiny. That's why she is looking forward to run for her second term.

EKSKLUSIBO! RICO J. PUNO, TATAKBO SA MAKATI?

2009-07-23T18:16:00.001-07:00

Nagulat ang studio audience ng programang Wowowee nang biglang sumulpot ang sikat na singer na si Rico J. Puno. Bagay na bagay kay Rico ang suot na long sleeves at maong pants. Hindi naman naiwasan ni Rico na kantyawan ang kaibigang si Willie Revillame.

Pinuna ni Rico ang araw-araw na pagli-lift sing ni Wil. Ayon pa kay Rico, hindi maituturing na tunay na singer si Willie. Tinawanan lang naman ito ng sikat na host.

Nag-promote ng napakaraming shows si Rico dito sa Pilipinas at maging sa abroad. Patunay lamang na may karisma pa rin ang singer sa mata ng publiko. Isa sa mga darating na shows ni Rico ay sa Sabado, 7pm sa Metrobar.

Matapos iyon, nag-duet si Willie at Rico. Kinanta nila ang hit song ni Willie na “Ikaw Na Nga“.

Tinanong naman ng deretsahan ni Willie si Rico habang umeere ang Wowowee kung tatakbo nga ba ito sa Makati. Ang tanging isinagot ni Rico;

“Ha? Si Mayor Binay ang tatakbong presidente.”

“Ikaw? Ano ba tatakbuhin mo sa Makati?”

"Ah.. eh, maaga pa. Ayoko muna. Pero, tutulungan natin ang mga taga-Makati.”

Matapos iyon, humingi ng tulong si Rico sa mga TFC Subscribers upang mag-donate ng mga medical supplies para sa mga mamamayan ng Makati. Nilinaw rin niyang hindi siya tatanggap ng cash.

Pulitikong-pulitiko na nga ang dating ni Rico J.!

JOHN LLOYD, NIYAKAP ANG EX!

2009-07-23T18:12:00.001-07:00

Kahapon, July 22, ini-launch ng SWATCH Watches si John Lloyd Cruz bilang pinakabago nitong endorser. Halata naman sa itsura ng binata ang excitement para sa naturang proyekto.

As usual, napuno ng press people ang event na ginanap sa The Establishment, sa The Fort, Taguig City. Ikinatuwa naman ng media nang ianunsyo na magpapa-raffle ng mga relo. At hindi lang basta relo, kundi isang daang piraso ng relo. Imagine! Kaya tilian ang mga lola niyo! Lalo pang naging exciting dahil si John Lloyd pa mismo ang bumubunot ng chips at nag-aabot ng papremyo.

Maya-maya pa, nabunot ni Lloydi ang chip number 126. Paulit-ulit niyang tinawag ang numerong iyon pero matagal na’y wala pa ring nagke-claim. Akala nga ng marami eh nakaalis na ang may-ari ng chip number.

Nang biglang tumayo ang isang babae na ikinagulat ng lahat. Si Liz Uy na fashion editor ng Preview Magazine. Hindi lang yon, for your information mga tsimoso, ex ni Lloydi si Liz!

Halatang nagulat ang aktor. Ilang sandali pa’y kusang lumapit si John Lloyd sa kinaroroonan ni Liz upang personal na iabot ang napanalunang relo. Pero, bago pa yun ay niyakap muna ng binata ang kanyang ex. Isang mahigpit na yakap na ikinakilig ng press people!

Napuno ng sigawan at tiliin ang The Establishment. Unfortunately, hindi namin nakunan ang mismong eksena. Pero, ang Philippine Entertainment Portal o PEP, may kuha ng yakapang naganap. Tingnan niyo na lang.
Maging kay Billy Crawford na host ng naturang event ay hindi nakaligtas si Lloydi. Siniko lang ni John Lloyd si Billy matapos sabihing tila pinag-papawisan ito at tanungin kung kailangan ba niya ng tubig.

Nang kausapin namin si Lloydi tungkol kay Liz, sinabi niyang normal lang daw yun sa kanya. Matagal na raw silang hindi nagkikita ni Liz kung kaya’t napahigpit ang yakap niya. Close din naman daw kasi si Liz sa may-ari ng SWATCH na si Ms. Virgie ramos.

Nang tanungin namin kung posible na may balikang maganap, isang ngiti lang ang isinagot ng gwapong aktor.

ALING DIONISIA, BABALIK SA WOWOWEE!

2009-07-23T18:01:00.001-07:00

Matapos ang kagulat-gulat na pag-envade ni Aling Dionisia Pacquiao sa number one Noontime Show ng ABS-CBN na WOWOWEE noong Lunes, July 20, muli umanong babalik si Mommy Dionisia sa Sabado upang ituloy ang nabiting sayaw sa naturang programa.

Kinabagan ang lahat ng studio audience at maging ang mga home viewers sa tapatan ni Pokwang at ni Aling Dionisia. Maging ang host ng WOWOWEE na si Willie Revillame ay lubusan ring nabigla sa biglaang pagsulpot ng ina ng Pambansang Kamao. Hindi rin naitago ni Willie ang labis na tuwa kay Aling Dionisia.

Dahil dito, inimbita muli ni Willie sa ere si Mommy Dionisia upang gumawa umano ng special number sa naturang palatuntunan. Unang sinabi ni Aling Dionisia na libre ang schedule niya sa Huwebes, July 23, ngunit agad itong binawi matapos malamang mayroon pala siyang lunch meeting.

Gayunpaman, inaayos pa rin ng mga staff ng WOWOWEE ang muling guesting ni Mommy D. Ayon kay Willie, malamang na makasama si Aling Dionisia sa Sabado Special ng nangungunang programa.

Nang tanungin naman ng press si Aling Dionisia kung ok lang ang pang-gagaya sa kanya ni Pokwang, matigas na oo ang isinagot nito. Katunayan daw, ay natutuwa pa siya sa aktres sa nakakaaliw na pangi-spoof sa kanya.

Samantala, inaabangan na ng Sambayanang Pilipino, lalong-lalo na ng mga TFC Subscribers ang pagbabalik ni Mommy D. sa WOWOWEE.

MEGA, SUPORTADO SI KIKO SA 2010

2009-07-23T17:58:00.001-07:00

Pinangunahan ni Megastar Sharon Cuneta ang ginanap na Movie and Press Induction Event kahapon. Naging panauhing pandangal naman sa nasabing pagtitipon si Sen. Kiko Pangilinan. Naging madali para sa press ang uriratin ang mag-asawa. Ever since naman kasi, madaldal na talaga si Shawee. Siya na nga ang nag-oopen sa amin ng mga isyu sa buhay niya.

Ganap na inanunsyo ng couple ang kumpirmadong pagtakbo ni Kiko sa pagka-Bise Presidente sa darating na 2010 Elections. Nilinaw ni Sharon na muling kakandidato si Kiko bilang Indipindyente katulad ng ginawa niya noong 2004 Elections. Ayon pa kay Kiko;

“Gusto ko ulit subukan ang mag-indipendent. Sa tulong ng mga pamilya, at mga kaibigan. Baka kung kakaiba ang pagkapanalo, kakaiba rin ang maging pamamahala.”

Samantala, sa kalagitnaan ng interview sa dalawa, hindi inaasahang dumating bigla si KC Concepcion. Nakigulo na rin ito sa aming lahat. Cowboy talaga si KC. Manang-mana kay Mega. Walang keme at game sa pagsagot sa mga intriga.

Sa kakulitan na rin ng press, napunta ang usapan sa lovelife ni KC at sa usapin ng pag-aasawa. Nilinaw naman ni KC na wala pa sa isip niya ang mga bagay na iyon.

“Wala pa po talaga. Hindi pa sumasagi sa isip ko yung marriage o magka-baby o watever.. I just love being single..”

Pabiro namang sinabi ni Senator Kiko na kapag may nagkamaling lalaki kay KC, agad niyang ipapatawag sa Senado.

Pero ang hindi ko talaga makalimutan, nang magpakatotoo si Mega at sabihin kay KC na;

“Bakit nga ako? Nagdalaga ako nung naghiwalay kami ng Papa mo. I want you to enjoy that also the other way around.”

Hindi naman nagkomento si Mega sa tahasang pag-amin ni papa Piolo Pascual sa kanyang panliligaw kay KC. Gayunpaman, sa ibang interviews eh sinabi rin ni Ate Shawee na KC is in good hands kung kay Papa PJ. Bongga!

Anyway, gudluck kay Sen. Kiko! Ganu na rin kay KC at Piolo.

EXCLUSIVE! CORY, ISANG LINGGO NA LANG?

2009-07-23T17:54:00.000-07:00

Muling nagpasalamat si Kris Aquino sa buong Pilipinas sa walang sawang pagdarasal para sa kanyang ina na si Tita Cory. Sa programang THE BUZZ noong nakaraang Linggo, July 19, inamin ni Tetay na stage 4 na ang colon cancer ng dating Pangulo. Ibig sabihin, himala na lamang ang magpapagaling dito.

“Siguro, ito na yung pinakamahirap na time for all of us and for her. She’s in pain already. So, please pray for her, na sana ma-lessen. Kasi, ang hirap-hirap po talagang makitang nahihirapan siya.”

Humingi rin ng paumanhin si Kris sa publiko kung bakit ngayon lang nila inanunsyo na stage 4 na ang cancer ni Tita Cory. Ayon pa sa kanya, noong Marso pa lang, kung saan unang nadiskubre ang sakit ng kanyang ina, alam na nilang stage 4 na yun. Pero, hindi pa nila handang sabihin sa publiko ang katotohanan nang mga sandaling iyon. Basta’t sinabi lang nila na COLON CANCER.

Ayaw daw nila na mabigla ang publiko sa kahihinatnan ng kalagayan ni Tita Cory. Halata ring tila nawawalan na ng pag-asa si Kris. Nanginginig ang boses at nangingilid ang luha niyang sinabing hindi na niya kayang maging matatag.

Nagpaalam rin si Kris sa publiko na baka hindi siya makasama sa primetime show nila ni Boy Abunda na SNN (Showbiz News Ngayon) at maging sa The Buzz.

Samantala, isang source ng Pinoy PEP ang nagbigay ng impormasyon sa aming Pamunuan. Mahirap para sa amin na ilabas ito. Pero, obligasyon rin namin na ilabas kung ano ang naiparating sa amin ng isang mapagkakatiwalaang tauhan.

Ayon sa kanya, tinapat na umano ng mga doktor ang Pamilya Aquino. Ihinayag umano nito, na 1 week or less na lang ang itatagal ni Tita Cory.

Nabigla kaming lahat. And for that, kasama kami ng Pamilya Aquino sa panalangin upang maibsan ang krisis na kanilang pinagdadaanan.

Nililinaw ng Pinoy PEP na hindi namin inilalabas ang isyung ito upang manira o kung ano pa man. Batid naming karapatan ng Sambayanang Pilipino na malaman ang katotohanan. Sa kabilang banda, kung totoo man ang info na ibinato sa amin, malalaman at malalaman din ng publiko.

WILLIE, NAKAKASUYA!

2009-07-23T17:30:00.000-07:00

Kamusta mga amiga?

Maibida ko lang, ang aking sintimyento tungkol sa poging-poging si WIL (Willie Revillame). Hindi naman maikakaila na sikat na sikat na talaga ang naturang host ng number one noontime show, ang WOWOWEE. Talagang kwelang-kwela ang programa ng naturang host. Tunay rin namang napakaraming natutulungan ng naturang palatuntunan.

Pero, pansin ng ilang matatabil ang dila, hindi kaya naiisip ng Pamunuan ng WOWOWEE na suyang-suya na ang mga manonood sa araw-araw na pagkanta ni WILLIE ng hit single niyang, IKAW NA NGA? Oo nga't bumenta ito. Naging number one sa mga top charts ng maraming surveys at dyaryo.

Pero, kungbaga sa ulam, nakakasawa na ang kanta ni Willie. Paulit-ulit na lang. Halatang-halata naman na hindi live ang kanta ng sikat na host. LEAP SING! Inaamin naman ni Wil na hindi siya ganoon kahusay kumanta. Pero, sana naman eh lubayan na ng WOWOWEE ang paulit-ulit at nakakarinding IKAW NA NGA ni Willie.
Ayon kasi sa ilan, tuwing kakanta na si Willie, inililipat nila ang channel sa Eat Bulaga, ang katapat na programa ng Wowowee.

Kita nyo na? Edi kayo rin ang nawawalan. Panawagan ko kay Mr. M (Johnny Manahan, Direktor ng Wowowee), patigilin mo na ang promotion ng kantang yan. Sobra-sobra na ho ang kinita ng album at hindi na kailangang ipromote pa.

At kay Wil, we hope that you would take our observation as positive as we would like to sound.
Sa mga hindi nagsasawa sa kanta ni Willie, ito ang para sa inyo;